Վրաստանում հարձակման ենթարկված գործարարը տեղափոխվել է Բաթումի քաղաքի հիվանդանոց. նրան տեսակցել է հյուպատոսը
Վրաստանում Հայաստանի դեսպանությունը մշտական կապի մեջ է ինչպես Վրաստանում հարձակման ենթարկված հայ գործարարի, նրա հարազատների, այնպես էլ իրավապահ մարմինների հետ։
Այդ մասին տեղեկացնում են Վրաստանում ՀՀ դեսպանությունից։
Տուժած Արթուր Սուքիասյանն Օզուրգեթիի հիվանդանոցից արդեն տեղափոխվել է Բաթումի քաղաքի հիվանդանոց, գտնվում է բժիշկների վերահսկողության տակ և նրա կյանքին որևէ վտանգ չի սպառնում։
Բժիշկների փոխանցմամբ՝ տուժածը ևս երկու օր պետք է գտնվի նրանց հսկողության տակ և այնուհետև, դուրս գրվի։ Բաթումիում ՀՀ գլխավոր հյուպատոսն արդեն տեսակցել է տուժած ՀՀ քաղաքացուն։