Моддий-маънавий ва археологик мерос объектларининг электрон маълумотлар базаси яратилмоқда
Ўзбекистон Республикаси Президентининг “Моддий маънавий ва археологик мерос объектларидан фойдаланиш ва муҳофаза қилишни такомиллаштириш тўғрисидаги” Фармойишига биноан дастурни ишлаб чиқиш бўйича комиссия тузилди.
2018 йилнинг 1 апрелигача Республиканинг барча моддий маънавий ва археологик мерос объектларининг рўйхати тузилади. Рўйхат ушбу объектларнинг туристик салоҳияти кўрсаткичи, тарихий-маданий аҳамияти, техник аҳволига асосланади. Бу ахборот эса ягона электрон маълумотлар базасига асосланади.
Натижада ушбу маълумотлар базаси материаллари асосида дастур ишлаб чиқилади. Мутахассисларнинг фикрига кўра, дастурда туристик намойиш учун объектлардан фойдаланишга катта эътибор қаратилади.