Վարչապետը կղեկավարի Կառավարության գործունեությունը, կհետևի ներքին և արտաքին քաղաքականությանը. նոր օրինագծով սահմանվել են նաև նախարարների լիազորությունները
ՀՀ Արդարադատության նախարարությունը ներկայացրել է «Կառավարության կառուցվածքի և գործունեության մասին» օրենքի նախագիծը, որտեղ սահմանվում են վարչապետի լիազորությունները:
Նշենք, որ Սահմանադրությամբ՝ վարչապետի թեկնածուներին առաջադրելու են խմբակցությունները, վարչապետ է ընտրվում այն թեկնածուն, ով ստացել է պատգամավորների ձայների կեսից ավելին: Եթե որևէ թեկնածու չստացավ այդքան ձայն, իսկ դա պետք է ունենա 7–օրյա ժամկետում, ապա 7-րդ օրը տեղի կունենա նոր քվեարկություն նոր թեկնածուներով, և այս անգամ վարչապետի թեկնածու առաջադրելու իրավունք ունի պատգամավորների 1/3-ը:
Վարչապետի ընտրությունից հետո 15 օրվա ընթացքում պետք է ձևավորվի կառավարություն: Վարչապետին ընտրում է Ազգային ժողովը և Ազգային ժողովն էլ իրավունք ունի անվստահություն հայտնել վարչապետին:
Արդարադատության նախարարության ներկայացրած օրինագծով՝ վարչապետը Կառավարության ծրագրի շրջանակներում որոշում է Կառավարության ներքին և արտաքին քաղաքականության հիմնական ուղղությունները, որոնք պարտադիր են Կառավարության անդամների համար:
Վարչապետը ղեկավարում է Կառավարության գործունեությունը և համակարգում է Կառավարության անդամների աշխատանքը, հետևում է ներքին և արտաքին քաղաքականության հիմնական ուղղությունների իրականացմանը, ապահովում է Կառավարության գործունեության միասնականությունը:
Կառավարության գործունեության կազմակերպմանն առնչվող հարցերով վարչապետն ընդունում է որոշումներ, ինչպես նաև տալիս է հանձնարարականներ, իր որոշմամբ սահմանում է յուրաքանչյուր փոխվարչապետի կողմից համակարգվող՝ Կառավարության գործունեության ոլորտը:
Վարչապետն իրավասու է ընդլայնել նախարարության գործունեության ոլորտը:
Վարչապետը նախարարի առաջարկությամբ սահմանում է փոխնախարարների թիվը, նշանակում է փոխնախարարներին, հաստատում է նախարարությունների կանոնադրությունը և աշխատողների թվաքանակը:
Վարչապետն է ձևավորում է իր աշխատակազմը:
Վարչապետը սահմանում է իր բացակայության ժամանակ առաջին փոխվարչապետի կողմից վարչապետին փոխարինելու կարգը:
Վարչապետի կողմից իր լիազորությունների կատարման անհնարինության մասին որոշումը կայացնում է Կառավարությունը՝ Կառավարության անդամների ձայների ընդհանուր թվի առնվազն երկու երրորդով:
Համարվում է, որ վարչապետի պաշտոնը թափուր է այն դեպքերում, երբ՝
1) վարչապետը մահացել է.
2) վարչապետի նկատմամբ կայացված մեղադրական դատավճիռը մտել է օրինական ուժի մեջ.
3) վարչապետին անգործունակ, սահմանափակ գործունակ կամ անհայտ բացակայող ճանաչելու մասին վճիռը մտել է օրինական ուժի մեջ:
Եթե վարչապետն իր նշանակումից հետո հնգօրյա ժամկետում Հանրապետության նախագահին չի առաջարկում փոխվարչապետների և նախարարների թեկնածուներին՝ առնվազն երկու երրորդին, ապա համարվում է, որ վարչապետը հրաժարական է ներկայացրել: Իսկ վարչապետի հրաժարականի դեպքում Հանրապետության նախագահն անհապաղ հրամանագիր է ընդունում Կառավարության հրաժարականն ընդունելու մասին:
Փոխվարչապետը վարչապետի հանձնարարությամբ իրականացնում է Կառավարության գործունեության առանձին ոլորտների համակարգումը:
Օրինագծով սահմանվել են նաև նախարարների լիազորությունները: Նախարարն ինքնուրույն ղեկավարում է նախարարությանը, իրեն վերապահված գործունեության ոլորտը, ինքնուրույն մշակում և իրականացնում է նախարարությանը վերապահված ոլորտի քաղաքականությունը, իրականացնում է նախարարությանը ենթակա մարմինների, ինչպես նաև նախարարությանը ենթակա կազմակերպությունների ընդհանուր ղեկավարումը և վերահսկողություն է իրականացնում նրանց նկատմամբ: Նախարարը Կառավարության քննարկմանն է ներկայացնում Կառավարության որոշումների և օրենքների նախագծերը, հաստատում և փոփոխում է նախարարության աշխատակարգը:
Москвичам знаний хватает // Электронно голосовать на выборах в Мосгордуму намерены почти две трети респондентов
«Территория будущего. Москва 2030» покажет живую атмосферу радио
Филиал № 4 ОСФР по Москве и Московской области информирует:
За полгода 14,9 тысячи жителей Московского региона оформили страховую пенсию в автоматическом режиме на портале госуслуг
«Норникель» оптимизирует производство с помощью «Озера данных»
Экс-глава антидопинговой программы ATP Ингс: «В деле Синнера правила были соблюдены на 100%. Ключевой момент – это его возможности, он привлек лучших юристов»
Александрова вышла в полуфинал турнира в Монтеррее
В ATP выступили с заявлением о положительных допинг-тестах Синнера
Синнер о допинговом деле: «Теперь я в курсе, кто мне друг, а кто – нет. Те, кто хорошо меня знает, понимают, что я никогда не нарушу правила»
Москвичам знаний хватает // Электронно голосовать на выборах в Мосгордуму намерены почти две трети респондентов
«Территория будущего. Москва 2030» покажет живую атмосферу радио
«Норникель» оптимизирует производство с помощью «Озера данных»
Филиал № 4 ОСФР по Москве и Московской области информирует:
За полгода 14,9 тысячи жителей Московского региона оформили страховую пенсию в автоматическом режиме на портале госуслуг