Սթիվ Ջոբսի՝ նախկին ընկերուհու համար նախատեսված անդորրագիրն աճուրդի կհանվի 20 հազար դոլար մեկնարկային գնով (լուսանկար)

Ուրբաթ Nate D Sanders աճուրդային տունն աճուրդի կհանի Apple կորպորացիայի հիմնադիր Սթիվ Ջոբսի ստորագրությամբ անդորրագիրը, որը թվագրվում է 1988 թվականին: Այս մասին հայտնում է Cult of Mac-ը:

Bank of America-ի անդորրագրի վրա առկա տեղեկությունների համաձայն՝ այն նախատեսված էր Ջոբսի ընկերուհի Թինա Ռեդսեի համար:

Նշվում է, որ 2 հազար դոլար արժողությամբ անդորրագրի մեկնարկային գինը 20 հազար դոլար է:
Փաստաթղթի վրա պարզորեն երևում է Ջոբսի ստորագրությունը, ինչպես նաև՝ ստացողի անունը:

Թինա Ռեդսեն Սթիվ Ջոբսի նախկին ընկերուհին է. նրանք հանդիպել են մինչև 1989 թվականը: Նշվում է, որ Ջոբսը նույնիսկ ամուսնության առաջարկ է արել Ռեդսեին, սակայն վերջինս մերժել է նրան: