ԱՄՆ-ում փորձարկվել է ռոբոտ-շան «համառությունը» (տեսանյութ)

Ռոբոտաշինության ոլորտում մասնագիտացած Boston Dynamics ամերիկյան ինժեներական ընկերության աշխատակիցները փորձարկել են SpotMini կոչվող շան տեսքով ռոբոտի համառությունը: Փորձարկումները ցուցադրող տեսանյութը հրապարակվել է Boston Dynamics-ի YouTube-ալիքում:

Տեսանյութում երևում է՝ ինչպես է ռոբոտը փորձում բացել դուռը: Այդ ընթացքում ընկերության աշխատակիցը խանգարում է նրան հաղթահարել խոչընդոտը, սակայն SpotMini-ին հաջողվում է դուրս գալ սենյակից:

Ինչպես նշվում է տեսանյութի նկարագրությունում, ռոբոտն ինքնուրույն է գործել՝ առաջնորդվելով «Գնա» հրահանգով:

Ավելի վաղ հաղորդվել էր, որ շան տեսքով ռոբոտը նոր հմտություններ է ձեռք բերել. մշակողները «սովորեցրել» են նրան ինքնուրույն բացել դուռը, այնուհետև պահել այն ուրիշների համար: