Առաջարկում ենք՝ ԱԺ-ը մարտի 1-ի իրադարձությունների վերաբերյալ հայտարարություն անի, ինչը քաղաքական կամքի արտահայտում է. Էդմոն Մարուքյան
Մենք կարծում ենք՝ մարտի մեկի դեպքերի հարցով 10 տարվա ընթացքում բավարար չափով արդյունավետ քննություն չի կատարվել և առաջ չի մղվել: Ավելին՝ դրա քաղաքական հետևանքներից նույնիսկ հետևություններ չեն արվում կամ եթե արվում են, ապա շատ քիչ. ԱԺ պետական-իրավական և մարդու իրավունքների պաշտպանության հարցերի մշտական հանձնաժողովում ԱԺ «Ելք» խմբակցության կողմից հեղինակված «2008 թվականի մարտի 1-2-ի իրադարձությունների վերաբերյալ» նախագծի քննարկմանը նշեց խմբակցության պատգամավոր Էդմոն Մարուքյանը:
Ըստ Մարուքյանի՝ իրենք ընդամենն առաջարկում են ԱԺ-ն հայտարարություն անի, ինչը քաղաքական կամքի արտահայտում է: «Հիմա բոլորդ ասում եք՝ ինչ-որ բան փոխվել է, եթե բան է փոխվել, ուրեմն պետք է հետևանք ունենանք, գործողություններ և հետևանք»,-ասաց նա և նշեց, թե հայտարարությունն ընդունելով, կարող է նաև գործողությունների անցնել: