Չեզոք սեռի ներկայացուցիչն առաջին անգամ հայտնվել է ամսագրի շապիկին (լուսանկարներ)

Diva ամսագրի շապիկին հայտնվել է չեզոք սեռի ներկայացուցիչ, ակտիվիստ Ռայան Դավը: Սա անսեռ մարդու՝ ամսագրի շապիկին հայտնվելու առաջին դեպքն է աշխարհում: Այս մասին հայտնում է The Independent-ը:

Մոդելի խոսքով՝ ինքը նախընտրում է, որ իր մասին խոսելիս չեզոք դերանուն օգտագործվի (them,they, their).

Աղբյուրը մանրամասնում է, որ Դավն արդեն նկարահանվել է Vogue, Elle և Cosmopolitan ամսագրերի համար, որտեղ նա գովազդել է ներքնազգեստ՝ թե՛ կանանց, թե՛ տղամարդկանց համար:

«Ես զգացված եմ ու հույս ունեմ, որ ամսագրերի շապիկներին կհայտնվեն ավելի շատ տարբեր տեսակի անձնավորություններ», - ասել է նա:

Մոդելի խոսքով՝ փոքր ժամանակ ինքը տգեղ աղջիկ է զգացել իրեն:

«Միշտ գիտեի այն, ինչ գիտեմ իմ մասին այժմ, ուղղակի չէի կարող արտահայտվել: Ես ուղղակի ես եմ», - խոստովանել է մոդելը:

Նշվում է, որ Diva ամսագիրը մասնագիտացած է ԼԳԲՏ համայնքի ներկայացուցիչների մասին նյութերի գծով: