Air France-ի աշխատակիցների գործադուլի պատճառով հետաձգվել է Փարիզից հեռավոր չվերթների կեսը

Air France ավիաընկերության աշխատակիցների գործադուլի պատճառով հետաձգվել է Փարիզից հեռավոր չվերթների կեսը: Այդ մասին հայտարարել է ավիափոխադրողը, հաղորդում է Associated Press-ը:

Բացի այդ, ժամանակավորապես չեն իրականացվում միջին հեռավորության չվերթների 25 տոկոսը և կարճ թռիչքների 15 տոկոսը:

Air France-ի աշխատակիցների գործադուլը շարունակվելու է ամբողջ օրը: Աշխատակիցները պահանջում են աշխատավարձի բարձրացում:

«Air France-ը ցավում է ստեղծված իրավիճակի համար և ձեռնարկում է բոլոր ջանքերը՝ նվազագույնի հասցնելու համար ուղևորների համար գործադուլի պատճառով ստեղծված անհարմարությունները»,- նշվում է հաղորդագրությունում:

Ավիաընկերության ղեկավարությունում խորհուրդ են տվել ուղևորներին հետաձգել ուղևորությունը կամ փոխել տոմսերն ավելի ուշ ժամկետների: