ევროკავშირის წევრი სახელმწიფოების მუდმივმა წარმომადგენლებმა მხარი დაუჭირეს საბანკო და სავიზო სანქციების კიდევ 6 თვით გაგრელებას რუსეთის 150 მოქალაქის, მათ შორის მთავრობის მაღალჩინოსნების და მოსკოვის მიერ უკრაინაში მხარდაჭერილი სეპარატისტების წინააღმდეგ - ამის შესახებ ბრიუსელიდან იუწყება რადიო თავისუფლების კორესპონდენტი. სანქციების ნუსხაში არიან ევროკავშირში რუსეთის წარმომადგენელი, ანატოლი ანტონოვი, ვიცე-პრემიერი, დმიტრი როგოზინი, შეიარაღებული ძალების გენერალური შტაბის უფროსი, ვალერი გერასიმოვი, ტელეწამყვანი დმიტრი კისილიოვი და სხვები. ევროკავშირმა რუსეთს სანქციები 2014 წელს დაუწესა ყირიმის ანექსიის გამო.
