Մոսկվայում սառնամանիքի պատճառով եղանակային վտանգի «նարնջագույն» մակարդակ է հայտարարվել
Ռուսաստանի մայրաքաղաքային շրջանում փետրվարի 22-ից եղանակային վտանգի «նարնջագույն» մակարդակ է հայտարարվել՝ անոմալ ցրտի պատճառով:
Այս մասին հայտնում է Gazeta.ru-ն՝ նշելով, որ միջին օրական ջերմաստիճանը նորմայից կնվազի 7-10 աստիճանով:
«Հինգշաբթի գիշերը և ուրբաթ օդի ջերմաստիճանը Մոսկվայում կհասնի 20-22 աստիճան ցրտի՝ ըստ Ցելսիուսի, իսկ ցերեկը՝ 10 աստիճան ցրտի: Շաբաթ գիշեր ցուրտը կպահպանվի՝ 20-22 աստիճան՝ ըստ Ցելսիուսի, իսկ ցերեկը՝ -12-14 աստիճան», - ասվում է ՌԴ Հիդրոմետկայանի հաղորդագրության մեջ:
Հիդրոմետկայանի կանխատեսումներով՝ փետրվարի 25-26-ը ջերմաստիճանը Մոսկվայում կարող է նվազել ևս 3-4 աստիճանով: Բացի այդ, նշվում է, որ զգալի տեղումներ նշված ժամանակահատվածում չեն սպասվում: