Բակո Սահակյանի գլխավորած պատվիրակությունն աշխատանքային այցով ժամանել է Լիբանան
Մարտի 20-ին Արցախի Հանրապետության Նախագահ Բակո Սահակյանի գլխավորած պատվիրակությունն աշխատանքային այցով ժամանել է Լիբանանի Հանրապետություն:
Այս մասին տեղեկացնում է Արցախի Հանրապետության նախագահի աշխատակազմի տեղեկատվության գլխավոր վարչությունը։
Հիշեցնենք, որ ավելի վաղ Բակո Սահակյանն եղել էր ԱՄՆ–ում, որտեղ այցելել էր Կոնգրես, հանդիպումներ ունեցել Վաշինգտոնում ԱՄՆ հայկական համայնքային կառույցների ղեկավարների հետ։
Վաշինգտոնում Արցախի նախագահը հանդիպել էր նաև Ամերիկայի հայկական համագումարի ղեկավարության, Ռամկավար ազատական կուսակցության գերագույն խորհրդի անդամների հետ։
Բակո Սահակյանը Վաշինգտոնում այցելել էր նաև Ազգային շահերին կենտրոն։