ԱԺ-ում ընթանում է ՍԴ նախագահի թեկնածուի քվեարկությունը

10.53

ԱԺ նիստերի դահլիճին կից նախասրահում ընթանում է ՍԴ նախագահի թեկնածուի նշանակման քվեարկությունը:

Նշենք, որ ՀՀ Սահմանադրության համապատասխան հոդվածի համաձայն մարտի 12-ին ՀՀ ԱԺ նախագահ Արա Բաբլոյանը ՍԴ նախագահի պաշտոնում ընտրվելու համար Սահմանադրական դատարանի անդամների կազմից առաջադրել էր ՍԴ անդամ Հրայր Թովմասյանի թեկնածությունը:

10.45

«Տեղական տուրքերի և վճարների մասին» ՀՀ օրենքում լրացումներ կատարելու մասին» օրենքի նախագիծը՝ կից փաթեթը երկրորդ ընթերցմամբ և ամբողջությամբ ԱԺ-ն ընդունեց 97 կողմ քվեարկությամբ: 

«Պաշտոնական վիճակագրության մասին» օրենքի նախագիծը կից փաթեթով երկրորդ ընթերցմամբ և ամբողջությամբ ընդունվեց 97 կողմ ձայնով: 

Առաջին ընթերցմամբ ընդունվեց «Հեռուստատեսության և ռադիոյի մասին» ՀՀ օրենքում փոփոխություններ և լրացումներ կատարելու մասին» և «Բաժնետիրական ընկերությունների մասին» ՀՀ օրենքում փոփոխություններ և լրացումներ կատարելու մասին» օրենսդրական փաթեթը։ Ազգային ժողովը նաև քվեարկության ներկայացրեց քննարկված այլ նախագծերը։

10.00

ՀՀ Ազգային ժողովը շարունակում է հերթական նիստերի աշխատանքը: ԱԺ-ն քվեարկությամբ կհաստատի «Տեղական տուրքերի և վճարների մասին» ՀՀ օրենքում լրացումներ կատարելու մասին» օրենքի նախագիծը՝ կից փաթեթով, «Պաշտոնական վիճակագրության մասին» օրենքի նախագիծը կից փաթեթով երկրորդ ընթերցմամբ, առաջին ընթերցմամբ կքվեարկվի «Հեռուստատեսության և ռադիոյի մասին» ՀՀ օրենքում փոփոխություններ և լրացումներ կատարելու մասին» և «Բաժնետիրական ընկերությունների մասին» ՀՀ օրենքում փոփոխություններ և լրացումներ կատարելու մասին» օրենսդրական փաթեթը, «Միջազգային պայմանագրերի մասին», «ՀՀ քրեական դատավարության օրենսգրքում փոփոխություն կատարելու մասին» և դրանց կից մի շարք օրենքների նախագծերի փաթեթն առաջին ընթերցմամբ, «ՀՀ ընտրական օրենսգիրք» սահմանադրական օրենքում փոփոխություններ և լրացումներ կատարելու մասին» և այլ նախագծեր:

Նշենք, որ ԱԺ կանոնակարգ-օրենքի համաձայն` օրվա կեսից ԱԺ պատգամավորների հարցերին կպատասխանեն կառավարության անդամները: