Тошкентдан Урганч, Хива ва Нукусга йўл деярли 100 километрга қисқарди

Тошкентдан Урганч, Хива ва Нукусга темир йўл масофаси деярли юз километрга, йўлга сарфаланадиган вақт қарийиб 2 соатга қисқарди.


“Ўзбекистон темир йўллари”нинг хабар беришича, янги “Бухоро – Мискин” темир йўли ишга туширилиши ортидан мана шундай имкониятлар яратилди.


Мазкур темир йўлдан “Тошкент – Ургенч” ва “Тошкент – Нукус – Қўнғирот” йўналиши бўйича поезд қатнови 20 март куни бошланди.


Бундан ташқари “Бухоро – Мискин” темир йўл тармоғи орқали Тошкент – Саратов, Тошкент – Волгоград, Олмаота – Нукус, Андижон – Урганч, Нукус – Урганч – Термиз қатнови ҳам йўлга қўйилиши режалаштирилмоқда.


"Бухоро – Мискин” темир йўл тармоғи қурилиши 2017 март ойида бошланган эди. Янги темир йўл линиясининг умумий узунлиги 355 километрни ташкил қилади.