Սեուլում չեն բացառում Հարավային և Հյուսիսային Կորեաների ու ԱՄՆ-ի մասնակցությամբ եռակողմ գագաթնաժողովի անցկացումը

«Հարավային և Հյուսիսային Կորեաների ու Միացյալ Նահանգների ղեկավարների եռակողմ գագաթնաժողովի անցկացումը չի բացառվում»: Այս մասին այսօր Սեուլում հայտարարել է Հարավային Կորեայի նախագահ Մուն Չժե Ին:


Հաջորդ ամիս կայանալու է նրա հանդիպումը Հյուսիսային Կորեայի ղեկավար Կիմ Չեն Ընի հետ: Միացյալ Նահանգների նախագահ Դոնալդ Թրամփն էլ հայտարարել է, որ Հյուսիսային Կորեայի ղեկավարի հետ կհանդիպի մինչև մայիսի վերջ: 


«Այդ հանդիպումների ընթացքում արձանագրված հնարավոր առաջընթացը կարող է հանգեցնել  Հարավային Կորեայի, Հյուսիսային Կորեայի և ԱՄՆ-ի մասնակցությամբ եռակողմ գագաթաժողովի անցկացմանը»,- նշել է Մուն Չժե Ի-ն: