Հրայր Թովմասյանն ընտրվեց Սահմանադրական դատարանի նախագահ
Ժամանակավոր հաշվիչ հանձնաժողովի նախագահ Գագիկ Մելիքյանը նշեց, որ 105 պատգամավորներից քվեարկությանը մասնակցել է 94-ը:
«Քվեատուփում առկա էր 93 քվեաթերթիկ, որոնցից անվավեր են ճանաչվել 2-ը», - ասաց Մելիքյանը։
Թովմասյանը շնորհակալություն հայտնեց վստահության, իսկ Ազգային ժողովի նախագահ Արա Բաբլոյանին` նաև իր թեկնածությունն այդ պաշտոնում առաջադրելու համար։
«Ինչպես նշեցիք, թե՛ լավ Սահմանադրական դատարանի նախագահ, թե՛ Սահմանադրական դատարանի լավ նախագահ, խոստանում եմ, որ երկուսն էլ կլինեմ», - ասաց Թովմասյանը։
Հիշեցնենք, Գագիկ Հարությունյանը հրաժարական է տվել Սահմանադրական դատարանի նախագահի պաշտոնից, քանի որ այս ամսվա սկզբից գլխավորում է Բարձրագույն դատական խորհուրդը: