Sarkozy ikinci gündür dindirilir

Fransanın keçmiş prezidenti Nicolas Sarkozy artıq ikinci gündür müstəntiqlər tərəfindən dindirilir. Onun 2007-ci ildə seçki kampaniyası zamanı Liviyanın keçmiş diktatoru Muammar Qaddafi rejimindən pul aldığı iddia olunur.


Gecəni evində keçirən Sarkozy Parisin şimal-qərbindəki Nanterre polis məntəqəsinə qayıdıb. Medianın istintaqa yaxın mənbələrə istinadla yazdığına görə, onu antikorrupsiya rəsmiləri dindirəcək.


İstintaq 2013-cü ildə başlanıb. O zaman Fransanın Mediapart xəbər saytı fransalı livanlı biznesmen Ziad Takieddine-nin Qaddafi-nin keçmiş kəşfiyyat rəsmisi Abdullah Senussi-dən Sarkozy-nin kampaniya rəhbərinə 5 milyon avro (6 milyon dollar) transfer etməsi barədə iddialarını dərc etmişdi.


63 yaşlı Sarkozy 2007-2012-ci illərdə Fransanın prezidenti olub. O, yayılan məlumatları dəfələrlə təkzib edib.