Հայկ Բարսեղյանն ազատ է արձակվել
Ոստիկանության լրատվական ծառայությունից հաստատեցին, որ սառը զենք կրելու կասկածանքով բերման ենթարկված Հայկ Բարսեղյանն ազատ է արձակվել, իսկ նրա մոտ եղած դանակն ուղարկվել է փորձաքննության:
Հայկ Բարսեղյանի հայրը՝ իրավապաշտպան Լևոն Բարսեղյանն իր ֆեյսբուքայն էջում գրել է․ «Դանակը տարել են փորձաքննության 10 օրով։ Իր արշավային դանակն է, 8 սմ շեղբով»։
Լևոն Բարսեղյանի որդուն՝ Հայկ Բարսեղյանին բերման ենթարկելու հանգամանքները պարզելու նպատակով այսօր ոստիկանության կենտրոնի բաժանմունք էին գնացել նաև ՀՀ մարդու իրավունքների պաշտպանի աշխատակազմի ներկայացուցիչները: