Չինացի լուսանկարիչը հեքիաթային տեսարաններ է ստեղծում առօրյան պատկերող կադրերից (լուսանկարներ)
Ժամանակակից տեխնոլոգիաների դարում ավելի է հեշտանում ինքնարտահայտվելն ու գաղափարներով կիսվելը: Մարդիկ հնարավորություն ունեն առանց տնից դուրս գալու ամբողջ աշխարհին ներկայացնելու իրենց աշխատանքը և արձագանք ստանալու ամենատարբեր երկրներից:
Գրեթե բոլորին հասանելի սարքավորումների օգնությամբ հնարավոր է ոչ միայն արագ արձանագրել և փոխանակվել տեղեկություններով, այլ նաև՝ խմբագրել աշխատանքները:
Այսպես, չինացի լուսանկարիչ Կատրինա Յուն, օգտվելով տարբեր ֆոտոխմբագրիչներից և իր երևակայությունից, հեքիաթային տեսարաններ է ստեղծում առօրյայի կադրերից:
Կատրինայի խոսքով՝ ինքը սիրում է պատմություններ պատմել պատկերների միջոցով ու այդ իսկ պատճառով ընտրել է լուսանկարչությունը:
«Ուզում եմ ցույց տալ իմ լուսանկարները խմբագրելուց առաջ ու հետո և ապացուցել, որ ամենևին էլ բարդ չէ ստեղծել այն, ինչ միշտ պատկերացրել եք: Վերջիվերջո, միակ սահմանը ձեր երևակայությունն է», - ասել է Կատրինան:
Ստորև կիսվում ենք տաղանդավոր լուսանկարչի աշխատանքներով, որոնք հրապարակվել են Bored Panda կայքում.