داعش دمشق ته نېږدې له خپلې وروستۍ ساحې وزي
خو د سرچينو په حواله دا په داسې حال کې ده چې تر پرون پورې د سوريې د پوځ بمباري روانه وه او د يوې بشپړې تسليمۍ موافقه يې ځنډولې ده.
د دولتي خبري اژانس سنا په حواله، د دې موافقې له مخې به د داعش جنګيالي چې پر حجر الاسود سيمه او د فلسطيني کډوالو پر يرموک کمپ کنټرول لري، له دغو ساحو وځي او د سوريې په ختيځ کې به د دې ډلې تر ولکې لاندې بلې سيمې ته ځي.
دا موافقه په داسې حال کې کېږي چې د سوريې حکومت هڅه کوي، له ٢٠١١مېلادي کال راهيسې د اول وار لپاره، پلازمېنه دمشق او اړوندې سيمې يې بېرته په خپله ولکه کې راولي.