Փհենյանը սառեցնում է միջուկային և հրթիռային փորձարկումները

Հյուսիսային Կորեայի առաջնորդ Կիմ Չեն Ունը հայտարարել է, որ Փհենյանը սառեցնում է միջուկային և հրթիռային փորձարկումները և փակում է միջուկային փորձարկումների կենտրոնը:


Հարավային Կորեայում գործող Yonhap լրատվական կենտրոնը՝ հղում անելով հյուսիսկորեական պետական լրատվական միջոցներին, հաղորդել է, որ «ապրիլի 21-ից սկսյալ Հյուսիսային Կորեան դադարեցնում է միջուկային զենքի և միջմայրացամաքային հրթիռների փորձարկումները և փակում է երկրի հյուսիսում գտնվող միջուկային փորձադաշտը»:


Փհենյանը մտադիր է նաև միանալ միջուկային փորձարկումների արգելման միազգային պայմանագրին: ԱՄՆ նախագահ Դոնալդ Թրամփը «մեծ առաջխաղացում» է անվանել Փհենյանին ստացված լուրը:


Առաջիկա օրերին Հյուսիսային Կորեայի և Հարավային Կորեայի սահմանին գտնվող ապառազմականացված հատուկ չեզոք գոտում տեղի կունենա երկու հարևան երկրների նախագահների հանդիպումը, բացի այդ, տեսանելի ապագայում հնարավոր է ԱՄՆ և Հյուսիսային Կորեայի ղեկավարների հանդիպումը: