Ֆրանսիան մեղադրել է Ռուսաստանին Սիրիայում քիմիական հարձակման մասին տեղեկությունների խեղաթյուրման համար
Ֆրանսիան մեղադրել է Ռուսաստանին սիրիական Դումայում տեղի ունեցած ենթադրյալ քիմիական հարձակման մասին տեղեկությունների խեղաթյուրման համար, այս մասին գրում է korrespondent.net կայքը՝ հղում անելով Ֆրանսիայի արտգործնախարարության տարածա հաղորդագրությանը:
Փարիզը պնդում է, որ Ռուսաստանի ստեղծած խոչընդոտների հետևանքով ՄԱԿ Քիմիական զենքի արգելման կազմակերպության փորձագետները մինչ օրս չեն կարողացել համապատասխան ուսումնասիրություն անել այն տարածքում, որտեղ ենթադրաբար տեղի է ունեցել հարձակումը:
«Քիմիական զենքի արգելման կազմակերպությանը պետք է տրվի ամբողջական, անհապաղ ու առանց խոչընդոտների հասանելիություն`տարածքում ուսումնասիրություն կատարելու համար»- ասված է տարածված հաղորդագրության մեջ:
Փարիզում համոզված են, որ ռուսական կողմը խեղաթյուրում է առկա տվյալներն ու հակասական տեղեկություններ տարածքում քիմիական հարձակման մասին:
«Մի օր ասվում է, որ քիմիական հարձակում չի եղել, մեկ այլ օր այն բարդում են զինված խմբավորումների վրա, հաջորդ օրը դրա մեղավորները դառնում են Արևմուտքի մանիպուլյացիաները»- նշում է Ֆրանսիայի ԱԳՆ-ն:
Ֆրանսիայում շարունակում են պնդել, որ Դումայի ենթադրայլ քիմիական հարձակման ետևում կանգնած են Սիրիայի իշխանությունները, ինչն էլ շեշտված է ԱԳՆ-ի տարածած հայտարարության մեջ: