Շիրակը կրկին հաղթում է ու պահպանում առաջատարի դիրքը (տեսանյութ)

Հայաստանի Բարձրագույն խմբի առաջնության 24-րդ տուրում Գյումրիի «Շիրակը» սեփական հարկի տակ ընդունել էր «Արարատին»:

Գյումրեցիները կարողացան հաղթանակի հասնել 4:1 հաշվով:

Առաջին խաղակեսում «Շիրակը» երեք անպատասխան գնդակ ուղարկեց մրցակցի դարպասը: Դուբլի հեղինակ դարձավ Արամ Մուրադյանը, մեկ անգամ էլ աչքի ընկավ Աղվան Դավոյանը:

Երկրորդ կեսում «Արարատը» կրճատեց հաշվի տարբերությունը`Յուրի Գարեգինյանի գոլի շնորհիվ: Խաղավերջում տանտերերը ևս մեկ անգամ գրավեցին մրցակցի դարպասը: Աչքի ընկավ Ժիրայր Մարգարյանը:

Այս հաղթանակից հետո «Շիրակը» 41 միավորով կշարունակի գլխավորել մրցաշարային աղյուսակը: «Արարատը» մնաց իր 14 միավորով և վերջին հորիզոնականում է: