Կեմերովոյում ապամոնտաժում են «Զիմնյայա վիշնյա» առևտրի կենտրոնը (տեսանյութ)
Կեմերովոյում սկսել են ապամոնտաժել «Զիմնյայա վիշնյա» առևտրի կենտրոնի շենքը, հայտնում է gazeta.ru-ն:
Հաղորդվում է, որ ապամոնտաժման է ենթակա ոչ միայն առևտրի կենտրոնի հիմնական շենքը, այլև մոտակայքում գտնվող կառույցը:
ՌԴ Կեմերովոյի մարզի ղեկավարի պաշտոնակատար Սերգեյ Ցիվիլևը հայտնել է, որ շենքն ապամոնտաժելու որոշումը կայացվել է մարտի 25-ի ողբերգական իրադարձություններից հետո, երբ խոշոր հրդեհի հետևանքով զոհվել է 60 մարդ: Առևտրի կենտրոնը քանդելու ծախսերը ստանձնել են առևտրի կենտրոնի սեփականատերերը, որոնք համաձայնագիր են ստորագրել գույքը քաղաքին անհատույց հիմքով հանձնելու մասին:
Հաղորդվում է, որ Կեմերովո քաղաքի բնակիչների մեծ մասը կողմ է արտահայտվել առևտրի կենտրոնի տեղում այգի կառուցելուն, դրա տարածքում նախատեսվում է կառուցել կամ մատուռ, կամ հուշարձան:
«Զիմնյայա վիշնյա» առևտրի կենտրոնում հրդեհը տեղի է ունեցել մարտի 25-ին, զոհվել է 60 մարդ, նրանց մեծ մասը՝ երեխաներ: