Ուկրաինայի անվտանգության ծառայության աշխատակիցները հատուկ գործողություն են իրականացրել «ՌԻԱ Նովոստի-Ուկրաինա»-ի գրասենյակում
Ուկրաինայի անվտանգության ծառայության (ՈՒԱԾ) աշխատակիցները ներխուժել են Կիևում գտնվող «ՌԻԱ Նովոստի-Ուկրաինա»-ի գրասենյակ: Այդ մասին հաղորդում է գործակալության ռուսական ստորաբաժանումը:
Մայիսի 15-ի առավոտյան գրասենյակ են ներխուժել ՈՒԱԾ գրությամբ համազգեստով մարդիկ: Դրանից հետո, ինչպես հայտնել են գործակալությունից, ներսում գտնվող լրագրողը դադարել է կապի դուրս գալ:
Ուկրաինայի անվտանգության ծառայությունում հստակեցրել են, որ միջացառումն իրականացվում է «Ռուսաստանի Դաշնության հսկողության տակ գտնվող մեդիակառույցների» նկատմամբ քննչական գործողությունների շրջանակներում:
«Իրավապահները պարզել են, որ ագրեսոր երկիրը դրանք օգտագործել է Ուկրաինայի դեմ հիբրիդային տեղեկատվական պատերազմի շրջանակում»,- հայտնել են ուկրաինական գերատեսչության մամուլի ծառայությունից:
Բացի այդ, հայտնի է դարձել, որ իր տան մոտ ձերբակալվել է «ՌԻԱ Նովոստի-Ուկրաինա»-ի լրագրող Կիրիլ Վիշինսկին: Ավելի ուշ հայտնի է դարձել, որ խուզարկումներ են անցկացվել նաև գործակալության լրագրող Լյուդմիլա Լիսենկոյի բնակարանում: