Մայիսի 25-ին պարզ կդառնա՝ Արարատի ցեմենտի գործարանի աշխատակիցների աշխատավարձերի կբարձրացվե՞ն, թե ոչ
«Բարգավաճ Հայաստան» կուսակցության ղեկավար Գագիկ Ծառուկյանի ընտանիքին պատկանող Արարատի ցեմենտի գործարանում այսօր բողոքի ակցիա իրականացրած աշխատակիցներին տնօրինությունը խոստացել է մայիսի 25 պատասխանել՝ կբարձրացվե՞ն, իրենց աշխատավարձերը, թե ոչ:
Այս մասին Tert.am –ին հայտնեց գործարանի աշխատակիցներից մեկը՝ ցանկանալով չհրապարակել իր անունը:
«Առուստամյան Սեդրակը, տնօրինությունը ասացին՝ Ծառուկյան Գագիկի հետ կխորհրդակցենք, ամսի 25-ին նոր ժողով կհրավիրեն, կասեն: Մեր պահանջն է, որ գործարանում ամենացածր աշխատավարձը լինի 150 հազար դրամ»,-ասաց աշխատակիցը:
Հիշեցնենք, որ Արարատի ցեմենտի գործարանում առավոտյան բավականին լարված իրավիճակ էր:
Գործարանի շուրջ 1200 աշխատակիցներից մոտ կեսը բողոքի ակցիա էին իրականացնում գործարանի դիմաց՝ պահանջելով իրենց 50-80 հազար դրամ կազմող աշխատավարձերի բարձրացում։ Նրանք նաև պահանջում են մինչև մայիսի 20–ը վճարել ապրիլի աշխատավարձերը:
Մյուս երկու պահանջներ են, որ գործարանում աշխատավարձերը «գրի հաշվապահը, ոչ թե արտադրամասի վարիչներից մեկը և որ մինչև մայիսի 20-ը վճարվեն ապրիլ ամսվա աշխատավարձերը: