Путин Россияни Қрим ярим ороли билан боғловчи янги кўприк устидан КамАЗ ҳайдаб ўтди(ВИДЕО)

Россияни 2014 йил март ойида Москва томонидан аннексия қилинган Қрим ярим ороли билан боғловчи кўприкнинг 15 май кунги очилиш маросимида Россия президенти Владимир Путин қатнашди.







Ўзининг энг йирик лойиҳаларидан бири ҳисобланган Керч бўғози устига қурилган 19 километрлик мунозарали бу кўприкдан Путиннинг Камаз ҳайдаб ўтгани Россия давлат телеканаллари томонидан жонли тарзда намойиш этилди.


"Қрим кўприги" қурилиши Қрим аннексиясидан икки йил ўтиб¸ 2016 йилда бошланган ва 16 майдан унинг транспорт қатнови учун очилиши айтилмоқда.


Дастлабки режага кўра¸ бу кўприк 2017 йил декабрида фойдаланишга туширилиши лозим эди.


Россиянинг Қрим ярим оролини аннексия қилиши дунëнинг 100 дан ошиқ давлати томонидан ноқонуний ҳаракат сифатида қораланган.


Керч бўғози устида қурилган 3¸7 миллиард долларлик кўприк¸ Путин иддаосича¸ Қримни Россия транспорт тизимига улайди ва ярим орол иқтисодий ривожи учун янги имконлар очади.


Кўприк автомобиллар учун мўлжалланган тўрт қаторлик магистраль йўл баробарида¸ икки қаторлик темир йўлни ҳам ўз ичига олади. Ҳозирча лойиҳанинг темир йўл қисми тугатилмаган.