Պաշտոններից ազատվել են գլխավոր հարկադիր կատարողը, պետգույքի կառավարման վարչության պետը, ԱԳՆ գլխավոր քարտուղարը

Վարչապետ Նիկոլ Փաշինյանի որոշումներով՝ իրենց դիմումների հիման վրա պաշտոններից ազատվել են դատական ակտերի գլխավոր հարկադիր կատարող Արմեն Հարությունյանը,  կառավարությանն առընթեր պետական գույքի կառավարման վարչության (Պետական գույքի կառավարման կոմիտե) պետ Արման Սահակյանը, տրանսպորտի, կապի և տեղեկատվական տեխնոլոգիաների նախարարի տեղակալ Անդրեյ Սիմոնյանը:


Հայաստանի վարչապետի պաշտոնական կայքէջում հրապարակված մեկ այլ որոշման համաձայն՝ Շահեն Ավագյանը ազատվել է արտգործնախարարության գլխավոր քարտուղարի պաշտոնից։