Авганистански и НАТО авиони бомбардирале позиции на талибанците откако тие извршија напад во градот Фарах во западниот дел на земјата во близина на границата со Иран. Нападот на талибанците, кое е најголемиот по најавената пролетна офанзива, започна во неколку контролни пунктови при што милитантите воспоставиле контрола врз една населба и делови од друга.
Според властите, тешките борби продолжуваат во градот, при што и припадници на специјални сили од Кандахар и Херат биле таму распоредени. НАТО мисијата во Кабул соопшти дека Фарах и понатаму е под контрола на авганистанските власти.
