Турскиот претседател Реџеп Таип Ердоган на Конгресот на Унијата не европските турски демократи во Сараево изјави дека владите на европските земји, за разлика од Босна и Херцеговина, паднале на испитот по демократија. Неговиот говор во олимписката сала „Зетра“, всушност претставуваше предизборен собир пред предвремените парламентарни избори во Турција, закажани за 24 јуни. Тој притоа изјави дека поранешниот претседател на Босна и Херцеговина Алија Изтебеговиќ пред неговата смрт му оставел завет. „Ми рече Ердогане, погрижете се за ова подрачје. Ние БиХ никогаш не го сметавме за друго подрачје. Секогаш ќе бидеме со БиХ. Европскиот простор за нас не е ништо ново“.
