Թուրքիայի նախագահը կոչ է արել Եվրոպայում բնակվող թուրքերին ավելի ակտիվ մասնակցել քաղաքականությանը
Թուրքիայի նախագահ Ռեջեփ Թայիփ Էրդողանը կոչ է արել Եվրոպայում բնակվող թուրքերին ավելի ակտիվ մասնակցություն ունենալ քաղաքականությանը, գրում են թուրքական ԶԼՄ-ները:
Էրդողանի խոսքով՝ Եվրոպայում թուրքական համայնքն «ամենաուժեղ համայնքներից մեկն է» և պետք է ամրապնդի իր դերը եվրոպական պետությունների քաղաքական և սոցիալական կյանքում:
Էրդողանը նաև կոչ է արել Եվրոպայում բնակվող թուրքերին մասնակցել Թուրքիայի խորհրդարանական և նախագահական ընտրություններին, որոնք տեղի են ունենալու այս տարվա հունիսի 24-ին:
Հունիսի 24-ին Թուրքիայում նախագահական ընտրությունների հետ միաժամանակ կայանալու են նաև խորհրդարանական ընտրություններ: