Մադուրոն մոտ 6.2 մլն ձայն է հավաքել Վենեսուելայի նախագահական ընտրություններում

Վենեսուելայի Ազգային ընտրական խորհուրդը ներկայացրել է երկրի նախագահի ընտրությունների արդյունքների երկրորդ տեղեկագիրը, որի համաձայն՝ երկրի գործող նախագահ Նիկոլաս Մադուրոն հավաքել է ընտրողների 6.19 միլիոն ձայնը՝ քվեների 98.78 տոկոսը հաշվելուց հետո:

Ինչպես նշում է РИА Новости-ն, այս կերպ Նիկոլաս Մադուրոն դառնում է Վենեսուելայի հաջոդ նախագահը՝ 2019-2025 ժամանակահատվածի համար:

Հիշեցնենք, որ Վենեսուելայում կիրակի արտահերթ նախագահական ընտրություններ են անցկացվել: 

Նախագահական ընտրությունները հարավամերիկյան երկրում անցկացվել են խոր տնտեսական ճգնաժամի ֆոնին: Ընտրություններ անցկացնելու որոշմանը զանգվածային ցույցեր են նախորդել: