Մեքսիկայի բնակչուհին հղիացել է 70 տարեկանում (լուսանկարներ)
Մեքսիկայի 70-ամյա բնակչուհի Մարիա դե լա Լուզը հայտնել է, որ ինքը գտնվում է հղիության վեցերորդ ամսում: Ուշագրավ պատմությանն անդրադարձել է The Daily Mail-ը:
Կնոջ խոսքով՝ երեք ամիս առաջ ինքը սկսել է սրտխառնոց, գլխապտույտ և ոտքերի հատվածում ցավ զգալ: Բժիշկները, որոնց նա դիմել է, ավելի քան 10 ստուգում են անցկացրել և մինչև վերջ չեն կարողացել հավատալ նրա հղիության փաստին:
Դե լա Լուզը չի ներկայացրել իր հղիության մանրամասները: Հայտնի է, որ բարեհաջող ծննդաբերության դեպքում սա կլինի կնոջ ութերորդ երեխան:
Նշվում է, որ ծննդաբերության ժամանակ անհրաժեշտ կլինի կեսարյան հատում անել՝ տարիքի պատճառով: