Нахуствазири Гурҷистон истеъфо дод
Квирикашвилӣ рӯзи 13-уми июн дар эъломияе тасмими худро асосан ба “якдигарнофаҳмӣ” бо раҳбари ҳизби ҳокими “Орзуи гурҷӣ” Бидзина Иванишвилӣ рабт дод.
Моҳи майи имсол ҳазорҳо нафар ба кӯчаҳои Тифлис, пойтахти Гурҷистон баромада, хостори истеъфои вазири умури дохилӣ ва нахуствазири он кишвар шуданд. Онҳо ба амалиёти зидди маводи мухаддири пулис дар ду клуби шабонаи машҳур эътироз карданд.
Вазорати умури дохилии Гурҷистон гуфта буд, ки ҳашт тоҷири маводи мухаддирро аз як клуби шабона боздошт кардааст.