Жаҳон чемпионатининг барча иштирокчиси Россияга ташриф буюрди

Жаҳон чемпионатида иштирок этувчи терма жамоаларнинг барчаси Россияга ташриф буюришди, деб хабар беради Кун нашри.

Энг охирги бўлиб Япония терма жамоаси етиб борди, у Қозон шаҳрида истиқомат қилади.

Москва шаҳри ва вилоятида 10 та жамоа истиқомат қилади: Россия, Португалия, Эрон, Франция, Перу, Аргентина, Германия, Мексика, Бельгия ва Тунис.

5 та жамоа Санкт-Петербург шаҳри ва Ленинград вилоятида яшайди: Саудия Арабистони, Хорватия, Коста-Рика, Жанубий Корея ва Англия.

3 та жамоа Татаристонда истиқомат қилади: Австралия, Колумбия ва Япония.

Уругвай терма жамоаси - Нижний Новгород, Миср – Грозний, Марокаш – Воронеж, Швейцария – Тольятти, Сербия – Светлогорск, Панама – Саранск, Сенегал – Калуга шаҳрини танлаган.

7 та жамоа Россиянинг жанубий вилоятларини танлаган: Испания – Краснодар, Дания – Анапа, Исландия ва Швеция – Геленжик, Бразилия ва Польша – Сочи, Нигерия – Ессентуки.

Эслатиб ўтамиз, ЖЧ-2018 14 июнь куни Россия - Саудия Арабистони ўйини билан бошланади.