Qatar Airways-ի չվերթի ժամանակ ուղևորներից մեկը սկսել է մուրացկանություն անել (լուսանկար, տեսանյութ)
Qatar Airways ավիաընկերության չվերթներից մեկի ժամանակ մուրացկանը գումար է հավաքել ինքնաթիռի սրահում: Ուշագրավ միջադեպին անդրադարձել է Daily Mail-ը՝ հրապարակելով համապատասխան լուսանկարներն ու տեսանյութը:
Աղբյուրի հաղորդմամբ՝ միջադեպը տեղի է ունեցել Դոհա-Շիրազ չվերթի ժամանակ Ուղևորներից մեկն անսպասելիորեն վեր է կացել իր նստատեղից ու անցել ինքնաթիռի սրահով՝ գումար խնդրելով մյուս ուղևորներից:
Նշվում է, որ մի քանի ուղևոր գումար է տվել նրան: Չնայած անձնակազմի պահանջներին՝ մուրացկանը հրաժարվել է զբաղեցնել իր տեղն ու շարունակել է գումար հավաքել:
Տղամարդու մասին տեղեկություններ չեն հաղորդվում, սակայն հայտնի է, որ նա Իրանի քաղաքացի է: