Աֆրիկայում աղջիկը «տապալել» է իր ընկերոջ հարսանիքը՝ արարողությանը հայտնվելով հարսանեկան զգեստով (լուսանկարներ, տեսանյութ)
Հարավաֆրիկյան Հանրապետությունում միջադեպ է տեղի ունեցել, որը հայտնվել է ոչ միայն ականատեսների, այլ նաև՝ համացանցի օգտատերերի ուշադրության կենտրոնում: Ուշագրավ միջադեպին անդրադարձել է The Daily Mail-ը՝ հրապարակելով համապատասխան լուսանկարներն ու տեսանյութը:
Աղբյուրի հաղորդմամբ՝ Բենոնի քաղաքում աղջիկը գնացել է իր ընկերոջ հարսանիքին. նա հարսանեկան զգեստով գնացել է խորանի մոտ:
Տեսանյութում երևում է՝ ինչպես է փեսացուն վիճում չսպասված հյուրի հետ՝ համոզելով նրան հեռանալ ու չփչացնել հարսանիքը, իսկ նրա իրական հարսնացուն սպասում է նրան խորանի մոտ:
Համացանցի օգտատերերն ակտիվորեն արձագանքել են միջադեպին. ոմանք խստորեն քննադատել են տղամարդուն, իսկ մյուսները խրախուսել են նրա երկրորդ ընկերուհու գործողությունները:
«Հուսով եմ՝ բոլոր այն տղամարդիկ, որոնք դավաճանում են, հենց այսպիսի սիրուհի ունեն», - գրել է Twitter-ի օգտատերերից մեկը:
Անհայտ է՝ ինչով է ավարտվել միջադեպը. տեսանյութն անսպասելիորեն ավարտվում է, այլ մանրամասներ չեն հաղորդվում: