«Այն մսխումները, որ տեղի են ունեցել ՊՆ-ում, պետք է վերադարձվեն». Դավիթ Սանասարյան
«Մենք ուզում ենք, որ նոր նախարարն ամբողջովին մաքրված անցնի գործի՝ իրականացնի իր լիազորությունները և մտքում չլինեն այն բոլոր մտահոգությունները, որ թիկունքում արվել են շատ-շատ խախտումներ, օրենքի լուրջ խախտումներ։ Այնպես որ մենք ոչ թե գնում ենք վնասելու, գնում ենք ինչ-որ մեկին ինչ-որ բան ապացուցելու, մենք ունենք մեր ինֆորմացիաները, և հենց այն կարևորությունը, որ ՊՆ-ն ունի երկրի համար, մենք դրա համար ուզում ենք, որ ՊՆ-ն լինի մաքուր, ՊՆ-ն լինի ուժեղ, և այն մսխումները, որ տեղի են ունեցել, վերադարձվեն բյուջե ու ՊՆ», - ասաց Սանասարյանը։
Թե ինչ ինֆորմացիաների ու չարաշահումների մասին է խոսքը, Պետական վերահսկողական ծառայության պետն առայժմ չմանրամասնեց։
Նշենք, որ Պետական վերահսկողական ծառայությունը ստուգումներ է իրականացնում Պաշտպանության նախարարությունում։