«Մտածում էի՝ ՉԹՕ է». Վորոնեժում նկարահանել են երկնաքարի անկումը (լուսանկարներ, տեսանյութեր)
ՌԴ Վորոնեժ քաղաքի բնակիչները երկնաքարի անկման ականատես են եղել, ոմանք կիսվել են իրենց տեսածի մասին տպավորություններով ու տեսանյութերով:
«ВКонтакте» սոցցանցի «Настоящий Воронеж» խմբի անդամները պատմել են, որ վաղ առավոտյան իրենք տեսել են երկնաքարի «կուրացնող փայլը»:
«Կարծում էի՝ հարվածային ալիք կլինի, ինչպես Չելյաբինսկում: Վազելով գնացի նկարահանելու, սակայն պայթյուն չեղավ, միայն հետք մնաց: Անկման պահին սպիտակ ծխից ներքև հետք տեսա, որը հասնում էր մինչև հորիզոն», - գրել է Վորոնեժի բնակիչներից մեկը:
Սոցցանցի մեկ այլ օգտատեր խոստովանել է, որ ինքը ՉԹՕ-ի տեղ է դրել վառ երկնային օբյեկտը:
«Թվում էր՝ այն թռչում է ինձ վրա, վախեցա: Մտածում էի՝ ՉԹՕ է: Շատ վառ էր», - գրել է նա:
Խմբի անդամներից մեկի խոսքով՝ «հրթիռի նման ինչ-որ բան անցավ ու փայլատակեց», իսկ րոպեներ անց պայթյունի ձայն լսվեց: