რუსთავში, ჭყონდიდელის დასახლების მოსაზღვრედ, ყოფილ სავენტილაციო ნაკეთობათა ქარხნის გვერდით, იქ, სადაც დანგრეული საწარმოო შენობების ნაკვალევს დღესაც შეამჩნევთ, განახლდა გერმანელ ტყვეთა საფლავების გათხრები. მეორე მსოფლიო ომის დროს ტყვედ აყვანილ გერმანელთა საფლავებს ,,გერმანელი სამხედრო ტყვეების საფლავებზე ზრუნვის სახალხო კავშირის“ ინიციატივით იკვლევენ.
