Ստամբուլի օդանավակայանում ձերբակալել են ընտրություններին ընդառաջ երկիր ժամանած շվեդ դիտորդին
Ստամբուլի օդանավակայանում ձերբակալել են Շվեդիայի խորհրդարանի պատգամավոր Ջաբար Ամինին, որը Թուրքիա է ժամանել ընտրությունների դիտորդական պատվիրակության կազմում: Այս մասին հայտոնւմ է РИА Новости-ն՝ վկայակոչելով շվեդական աղբյուրը:
«Երբ մոտեցա անձնագրային վերահսկման կետին, ինձ սպասում էր անվտանգության ոստիկանությունը: Նրանք վերցրին անձնագիրս և մի կողմ տարան: Այնուհետև հինգ րոպե անց ոստիկանը մոտեցավ և ասաց, որ իրենք հրահանգ ունեն բարձրագույն մարմիններից», - ասել է Ամինը: Դիտորդի խոսքով՝ իր ձերբակալության պատճառներն իրեն դեռ չեն հայտնել:
Ինչպես տեղեկացնում է շվեդական հեռուստատեսությունը, Շվեդիայի ԱԳՆ-ն հաստատել է այդ տեղեկությունը՝ նշելով, որ իրենց հայտնել են, որ Ամինին արգելել են մուտք գործել Թուրքիա:
Այդ հարցով նրան հարցում են ուղարկել թուրք ներկայացուցիչներին:Հիշեցնենք, որ արտահերթ նախագահական և խորհրդարանական ընտրությունները Թուրքիայում անցկացվելու են հունիսի 24-ին: