Թրամփը փորձել է համոզել Մակրոնին դուրս գալ ԵՄ կազմից․ Washington Post
ԱՄՆ նախագահ Դոնալդ Թրամփը փորձել է համոզել Ֆրանսիայի նախագահ Էմանուել Մակրոնին դուրս գալ Եվրամիության կազմից, գրել է Washington Post պարբերականը՝ հղում անելով ԵՄ կառավարական աղբյուրներին։
Նշվում է, որ Թրամփը Մակրոնին նման առաջարկ է արել ապրիլին Վաշինգտոնում տեղի ունեցած հանդիպման ժամանակ, երբ առավելապես քննարկվել են առևտրային հարցրեր։
«Ինչո՞ւ դուք դուրս չեք գալիս ԵՄ-ից»,-ըստ աղբյուրի՝ հարցրել է Թրամփը։
Պարբերականը նաև նշում է, թե Թրամփը խոստացել է ԵՄ-ից դուրս գալու դեպքում առավել շահավետ երկկողմանի առևտրային համաձայնագիր առաջարկել Ֆրանսիային, որն ավելի ձեռնտու կլինի, քան ԵՄ առաջարկած պայմանները։