მამუკა ბახტაძე: მთავრობა სწორ ეკონომიკურ პოლიტიკას ატარებს

საქართველოს პრემიერ-მინისტრის, მამუკა ბახტაძის შეფასებით,  მთავრობა სწორ ეკონომიკურ პოლიტიკას ატარებს და ამის დასტური ეკონომიკური ზრდის ბოლო მონაცემებია.


„რამდენიმე წუთის წინ, „საქსტატმა“ გამოაქვეყნა ახალი მონაცემები, რომლის მიხედვითაც, საქართველოს ეკონომიკურმა ზრდამ მაისში მიაღწია 7,5%-ს. ასეთი მაჩვენებელი იმის დადასტურებაა, რომ მთავრობა სწორ ეკონომიკურ პოლიტიკას ატარებს. ეს ასევე იმის დადასტურებაა, რომ ის რეფორმები, რომლებიც ჩვენ განვახორციელეთ და დავაანონსეთ, ქმნის ისეთ გარემოს, სადაც ეკონომიკური ზრდის ტემპები აუცილებლად იქნება დაჩქარებული" - განაცხადა მამუკა ბახტაძემ მთავრობის ადმინისტრაციაში გამართულ პრესკონფერენციაზე. პრემიერ-მინისტრის თქმით, გაუმჯობესებულია ეკონომიკური ზრდის ხარისხობრივი ეფექტიც და წინა წელთან შედარებით, ექსპორტი 50%-ითაა გაზრდილი.