Rolling Stone-ն ընտրել է դարի լավագույն երգը (տեսանյութ)

Rolling Stone պարբերականը կազմել է 21-րդ դարի 100 լավագույն  երգերի ցանկը, որը գլխավորել է ամերիկացի երգչուհի Բեյոնսեի Crazy in Love երգը՝ 2003 թվականի դեբյուտային Dangerously in Love ալբոմից: Երգը ձայնագրվել է Բեյոնսեի ամուսնու՝ ռեփեր Ջեյ Զիի մասնակցությամբ:

Պարբերականի ցուցակի երկրորդ տեղը զբաղեցրել է բրիտանացի երգչուհի M.I.A.-ի Paper Planes երգը: Լավագույնների եռյակը եզրափակել է ամերիկյան The White Stripes խմբի Seven Nation Army երգը:

Պարբերականի ցանկում ներառվել են նաև այնպիսի հիթեր, ինչպիսիք են Ջեյ Զիի 99 Problems-ը, Քենդրիկ Լամարի Alright-ը, Բրիթնի Սփիրսի Toxic–ը, Gnarls Barkley դուետի Crazy-ն, Միսի Էլիոթի Work It-ը, Էմի Ուայնհաուսի Rehab–ը և Դևիդ Բոուիի Blackstar–ը:

21-րդ դարի լավագույն 100 երգերի ցանկը եզրափակել է պուերտոռիկացի երաժիշտ Դեդդի Յանքիի Gasolina երգը: