ԱՄՆ պետքարտուղարությունը հաստատել է հունիսի 29-ին Մայք Պոմպեոյի և Արմեն Սարգսյանի միջև կայանալիք հանդիպումը

Միացյալ Նահանգների Պետքարտուղարության ղեկավար Մայք Պոմպեոն հունիսի 29-ին հանդիպում կունենա Հայաստանի Հանրապետության նախագահ Արմեն Սարգսյանի հետ: Այս մասին տեղեկանում ենք ԱՄՆ Պետքարտուղարության պաշտոնական կայքից:

Ավելի վաղ հաղորդվել է, որ աշխատանքային այցով Միացյալ Նահանգներում գտնվող Հայաստանի Հանրապետության նախագահ Արմեն Սարգսյանը հունիսի 27-ին այցելել է ԱՄՆ 26-րդ նախագահ Թեոդոր Ռուզվելտի կղզու հուշահամալիր:

Հանրապետության նախագահը ծաղկեպսակ է դրել Թեոդոր Ռուզվելտի հուշարձանին և հարգանքի տուրք մատուցել հայտնի պետական գործչի հիշատակին, որն իր պաշտոնավարման տարիներին հանդես է եկել Օսմանյան կայսրությունում հայերի ու քրիստոնյա փոքրամասնությունների իրավունքների պաշտպանությամբ: