ԱԱԾ-ն ձերբակալել է քրեական հեղինակություն Արտյոմ Կանևսկոյին
Երեկ Ազգային անվտանգության ծառայությունը ստուգումներ էր իրականացնում Արտյոմ Հարությունյանին՝ քրեական հեղինակություն Արտյոմ Կանևսկոյին պատկանող տարածքում, իսկ այսօր նա ձերբակալվել է:
Լուրը Tert.am-ի հետ զրույցում հաստատեց ԱԱԾ մամուլի քարտուղար Սամսոն Գալստյանը. «Այո, ԱԱԾ-ն ձերբակալել է Արտյոմ Հարությունյանին, այլ մանրամասները ԱԱԾ-ն կհայտնի լրացուցիչ»:
Նշենք, որ երեկ ԱԱԾ մամուլի խոսնակ Սամսոն Գալստյանը Tert.am-ի հետ զրույցում հաստատել է տեղեկությունը, որ ԱԱԾ-ն Երևանի Հալաբյան փողոցում գտնվող գրասենյակներից մեկում գործողություն է իրականացնում:
Հիշեցնենք, որ Արտյոմ Կանևսկոյի բնակարանն օրեր առաջ խուզարկվել էր ոստիկանության ծառայողների կողմից, որի հետո նրան բերման էին ենթարկել: