Ռոբերտո Կարլոսը նույնպես կժամանի Երևան
Հուլիսի 8-ին Երևանի Վ. Սարգսյանի անվան «Հանրապետական» ստադիոնում լեգեդների հանդիպում կկայանա Եվրոպայի և Լատինական Ամերիկայի հավաքականների միջև:
Հայտնի է դարձել, որ հանդիպմանը Լատինական Ամերիկայի հավաքականից կմասնակցի նաև Մադրիդի «Ռեալի» լեգենդար ֆուտբոլիստ Ռոբերտո Կարլոսը:
Հիշեցնենք, որ լեգենդների հանդիպմանը կմասնակցեն այնպիսի աստղեր, ինչպիսին են` Ռիվալդոն, Հերնան Կրեսպոն, Գաբրիել Բատիստուտան, Դիդան, Կաֆուն, Իվան Սամորանոն, Ժուլիանո Բելետին, Սերժինիոն, Պաոլո Մալդինին, Յուրի Ջորկաեֆը, Յարի Լիտմանենը, Հրիստո Ստոիչկովը, Դեմետրիո Ալբերտինին, Լյուդովիկ Ժուլին, Կախա Կալաձեն, Ռայան Գիգսը և այլք։