ԵԽԽՎ-ի ավելի քանի երկու տասնյակ պատգամավորներ դատապարտել են բռնաճնշումները Ադրբեջանում
Հայտարարության տեքստում Ադրբեջանը ներկայացվում է որպես «Եվրոպայի ամենաբռնաճնշող երկրներից մեկը», որտեղ ընտրություններն անցնում են վախի մթնոլորտում:
ԵԽԽՎ պատգամավորները նշում են, որ «Ադրբեջանում տարածված են քաղաքական դրդապատճառներով դատական հետապնդումները, բանտարկությունները, խոշտանգումները»:
«Թուրան» գործակալությունը հայտնում է, որ հայտարարության նախաձեռնողը նորվեգացի պատգամավոր Փիթեր Էյդեն է, ով նախկինում ղեկավարել է Amnesty International-ի նորվեգական բաժինը:
Հայտարարությունը ուղղակի իրավական հետևանքներ չունի, սակայն այն կարող է հաշվի առնվել Եվրախորհրդի նախարարների կոմիտեի և Մարդու իրավունքների եվրոպական դատարանի կողմից՝ Ադրբեջանի վերաբերյալ որոշումներ կայացնելիս: