Tuvğan evinden 2,5 biñ kilometr uzaqlığında. Bir yıldan ziyade bir kişilik kamerada. Ferat Seyfullayevniñ bugün bulunğan vaziyeti işte böyle. Ferat 2015 senesi aprel 2-de tevqif etildi. O, Aqyardaki «Hizb ut-Tahrir işi»niñ dörtünci figurantı oldı. Aynı yılnıñ yanvarinde bu iş ile Qırımda qırımtatarlar, musulmanlarnıñ taqip etilüvi başlanğan edi. Tahqiqat ve Rostov-na-Donu şeerindeki mahkeme davası bir buçuq yıl devam etti. 2016 senesi sentâbr 7-de Ferat Seyfullayev umumiy rejimli koloniyanıñ beş yılına mahküm etildi. Bunı Ayşe Umerova Qırım.Aqiqattaki «Siyasiy mabüsniñ tarihı» video blogunda ikâye ete.
