«Նորածին Թրամփի» տեսքով հսկայական փուչիկը բաց է թողնվել Լոնդոնում (տեսանյութ)
Բրիտանացի ակտիվիստները օդ են բարձրացրել «նորածին Թրամփի» տեսքով հսկայական փուչիկը՝ ի նշան ԱՄՆ նախագահ Դոնալդ Թրամփի՝ Մեծ Բրիտանիա կատարած այցի դեմ քաղաքական բողոքի:
Ինչպես հաղորդում է BBC-ի թղթակիցը, 6 մետրանոց տիկնիկը երկինք են բաց թողել անմիջապես բրիտանական խորհրդարանի շենքի դիմաց:
Թրամփի կողմնակիցներն այս ակցիան վիրավորական են համարում: Սակայն Լոնդոնի քաղաքապետ Սադիք Խանը թույլատրել է նման ակցիա անցկացնել, երբ տասնյակ հազարավոր բնակիչներ խնդրագիր են ստորագրել՝ կոչ անելով քաղաքապետին թույլատրել «նորածին Թրամփի» թռիչքը:
Բացի այդ հարյուրավոր մարդիկ դուրս էին եկել փողոց՝ «Հեռացիր», «ամոթ ԱՄՆ-ին» գրությամբ պաստառներով:
Հայտնի է, որ Լոնդոնում արձակվելուց հետո «նորածին Թրամփը» համաշխարհային շրջագայության կմեկնի՝ հետևելով ԱՄՆ նախագահին, ուր էլ, որ նա գնա: