پاکستانۍ مېرمنو ته د افغان مېرمنو لیک!
د هلمند د سولې حرکت ویاند، بسم الله وطندوست بېګا ازادي راډیو ته وویل چې د کابل یوشمېر ښځو دا ځانګړی لیک دوی ته چې د پاکستان د سفارت مخې ته یې پرلت کړی، سپارلی دی.
بسم الله وطندوست زیاته کړه:
"د کابل ښار یو شمېر عامې مېرمنې وې، راغلې وې او دا لیک یې په ګډه لیکلی و."
په لیک کې یې یو ډول ګواښ کړی و چې که پاکستاني مېرمنې د جګړې په بندولو کې ګډون ونه کړي، لرې نه ده چې دا حالت چې پر افغان مېرمنو دی، هغوی به هم ورڅخه برخمنې کېږي.
د دې ولسي حرکت غړي وايي چې تر ناڅرګندې نېټې به د پاکستان د سفارت مخې ته خپل پرلت جاري وساتي.